Denis Lemarşal, “Total” şirkətinin Azərbaycan nümayəndəliyinin rəhbəri
- “Total” şirkəti Azərbaycanda keçirilən neft sərgi və konfransının daimi iştirakçılarından biridir. Bu il stendimizdə hazırda işlənmə mərhələsində olan, qazma işləri aparılan yeni “Abşeron” layihəsi təqdim edilir. Bu layihə yerli istehlakçılar üçün nəzərdə tutulmuş, daxili bazar üçün qaz hasilatına yönəlib.
“Total” şirkətinin törəmə müəssisəsi - “Saft” şirkəti qabaqcıl texnologiyalar əsasında akkumulyator batareyalarının istehsalı sahəsində ixtisaslaşıb. Həmin batareyalar da stendimizdə təqdim edilir. Şirkətin əsas tapşırıqlarından biri hazırki inkişaf perspektivini hazırlamaq və onun yeni mərhələsinə başlamaq yer alır. Biz nəticədə Azərbaycanın neft-qaz sektorunda biznesin inkişafı üçün yeni imkanlara nail olmaq istərdik.
Sərgi əla təşkil edilib və ildən-ilə təkmilləşir. Bu tədbirin təşkilatçılarını təbrik edirəm – onlar əla iş görüblər. Həmçinin hesab edirəm ki, sərginin əsas xidməti Azərbaycanda neft-qaz sektorunun əsas nümayəndələrinin ünsiyyət qurması üçün münasib platformanın yaradılmasından ibarətdir. Tədbir çox maraqlı və faydalı insanlar ilə görüşlər keçirmək və şirkətlərin planları ilə bağlı qarşılıqlı fikir mübadiləsi aparmaq üçün əla imkan yaradır.
AZ
EN
RU
ZH
