Klaus Meyer, NOV Qlobal Hesablar üzrə VP Quyuların Tamamlanması və Hasilat Həlləri
150 ildən çoxdur ki, "NOV" qlobal enerji sənayesini gücləndirən, müştərilərimizə ətraf mühitə minimal təsir göstərərək bol enerji istehsal etməyə imkan verən yeniliklərin öncüsüdür. Enerji sənayesi neft yatağı əməliyyatlarının davamlı təkmilləşdirilməsi və enerji keçidinin daha dayanıqlı gələcəyə doğru irəliləməsi üçün səylərin təşviqi ilə bağlı dərin təcrübəmizdən və texnologiyamızdan asılıdır.
"NOV" şirkəti 20 ildən artıqdır ki, Azərbaycanın neft və qaz yataqlarının işlənməsi üçün texnologiyaları təmin edir. Yerli və beynəlxalq mühəndis və texniklərdən ibarət çox səriştəli komanda ilə qazma qurğusundan istehsal avadanlıqlarına qədər ən yaxşı qazma texnologiyasını Azərbaycana gətiririk. Qazma qurğusundan qazma sütunu və istehsala qədər "NOV" bütün prosesi səmərəli və təhlükəsiz idarə etmək üçün lazım olan texnologiyanı təmin edir.
Ən son texnologiyalardan istifadə edərək avtomatlaşdırma və rəqəmsallaşdırma yolu ilə insanlara zərər dəyməsinin qarşısını alırıq, sübut edilmiş texnologiyalarımız tələb olunan performansı göstərir.
Bizim üçün Xəzər regionu neft-qaz bazarının inkişafı üçün əsas regionlardan biridir. Biz Azərbaycandakı tariximizlə fəxr edirik və "Caspian Oil and Gas 2023" sərgisində texnologiyalarımızdan bir neçəsini nümayiş etdirmək imkanından məmnunuq.
AZ
EN
RU
