25-ci Yubiley Beynəlxalq Xəzər Neft və Qaz sərgisi

29 may - 1 iyun 2018 • Bakı Ekspo Mərkəzi

Sərgi » Sərgi haqqında

2018-ci ildə Xəzəryanı regionun neft-qaz sahəsi üzrə ən böyük tədbiri olan Beynəlxalq "Xəzər Neft və Qaz" sərgi və konfransı öz mötəbər yubileyini – uğurlu fəaliyyətinin 25-ci ildönümünü qeyd edəcək. Sərgi və konfransın bu 25 il ərzində keçirilməsi Azərbaycana xas olan sabitliyin və dünya ictimaiyyətinin Azərbaycana qarşı azalmayan marağının bariz göstəricisidir.

“Caspian Oil and Gas” sərgisi 1994-cü ilin sentyabr ayında Xəzər hövzəsinin karbohidrogen yataqlarının genişmiqyaslı işlənilməsi üzrə yeni istiqamətləri müəyyən edən və respublikanın neft tarixində yeni dövrün əsasını qoymuş “Əsrin müqaviləsi”nin imzalanması ərəfəsində təsis edilib və  “Caspian Oil and Gas” sərgisinin tarixi də məhz o vaxtdan başlayır. Həmin dövrdə Ümummilli Lider Heydər Əliyev Azərbaycanda neft-qaz sənayesi üzrə ilk ixtisaslaşdırılmış sərginin keçirilməsi təşəbbüsünü dəstəklədi və o vaxtdan etibarən, “Caspian Oil and Gas” sərgisi neft, qaz və energetika sahəsinin aparıcı mütəxəssislərinin görüşdüyü və memorandumların, habelə gələcək əməkdaşlığa dair saziş və müqavilələrin imzalandığı meydançaya çevrildi. Sərgini müşayiət edən işgüzar proqramın mühüm tərkib hissəsini isə hər il dünyanın 30-dan çox ölkəsindən 500-dən artıq nümayəndə heyətinin iştirak etdiyi “Caspian Oil and Gas” konfransı təşkil edir. Bu 25 il ərzində sözügedən konfrans Azərbaycanın zəngin neft-qaz və tranzit potensialının, o cümlədən ölkənin xarici investorlar üçün cəlbedici olmasının və işgüzar əməkdaşlıq imkanlarının müzakirə edildiyi əsas tribunaya çevrilmişdir.

 

Tədbirdə iştirak etməyin üstünlükləri:

  • Bazarda öz şirkətinizin imicini qoruyub saxlamaq
  • Məhsul və xidmətlərin üstün cəhətlərini nümayiş etdirmək, yenilikləri təqdim etmək, məhsullara olan tələbatı qiymətləndirmək, müştərilərin ehtiyaclarını müəyyən etmək
  • Sənaye sahəsi üzrə dünya liderləri ilə görüşmək
  • Tərəfdaşlar ilə əlaqə yaratmaq, daimi müştəriləri qoruyub saxlamaq
  • Milli və transmilli iştirakçılarla təcrübə və bilik mübadiləsi aparmaq
  • Rəqabət mühitini yaxından təhlil edərək öyrənmək, bazarda rəqabət aparmaq, rəqib şirkətlər ilə müqayisədə, sifarişçilərə daha yaxşı təəssürat bağışlamaq;
  • Peşə nailiyyətlərinizin nümayişi imkan
  • Rəqib şirkətlərdən üstünlüyü nümayiş etdirmək
  • Məhsullarınızı satın almaq istəyən müştəriləri cəlb etmək üçün müvafiq metodların müəyyənləşdirilməsi
  • VIP ziyarətçilər ilə faydalı əlaqələr qurmaq və bu əlaqələri qoruyub saxlamaq
  • Həm satışların həcmini, həm də satış coğrafiyasını genişləndirmək imkanı
  • Brend və ya şirkətin müsbət fikir yaratmasını təmin etmək, şirkətin nüfuzunu artırmaq
  • Çoxsaylı distribyutorlarla, eləcə də qərar qəbul etmək səlahiyyətinə malik olan şirkət mütəxəssisləri ilə birbaşa əlaqələr yaratmaq
  • Alıcıların etimadını qazanmaqla və mövcud sifarişçiləri məmnun etməklə, satış səviyyəsini qoruyub saxlamaq

Xəbərlər

Bütün xəbərlər